Killer Distiller er ein harðrendur tvímanna pseudo-tungmálms-punk bólkur.

​

Ljóðmyndin hjá bólkinum er hørð, stór, tung, smá - og upp á tá!

​

Manningin er ”Killer”, eisini kendur sum Jónsvein Mikkelsen, á trummur, og ”Distiller”, eisini kendur sum Sigmund Zacariassen, á gittara og sang. Báðir spæla teir eisini í Joe & The Shitboys – og hava hitað upp fyri Shitboys á túri í Hollandi.

 

Á Skrapt koma teir at framføra við størsta annlegginum, teir higartil hava framført við í Føroyum – og vit gleða okkum at uppliva tað!

 

Hóast teirra minimalistisku uppseting, so leverar Killer Distiller massiv ljóðlandsløg, sum blanda elementir av doom, psykedeliskum rokki og blues.

Við at sameina tjúkkar guitartónar við dundrandi trummur skapa teir ein kraftmiklan ljóðvegg, sum dregur ávirkan frá bólkum sum Black Sabbath, Queens of the Stone Age og Electric Wizard.

​

Løgini "Dazed" og "Confused" eru útgivin á plátu, á Spotify og Youtube via sjálvstøðuga útgávufelagið, Farmstead Records, sum Distiller eigur og rekur.