Ókendir eru kunngjørdir sum fyrsta navn á skránni til Skrapt 2024.

Ókendir er eitt kollektiv av rapparum, sangarum, framleiðarum og ljóðførisleikarum.

Beinraktir tekstir møta floymandi og fangandi løgum í eini blanding, ið ikki letur seg temja av sjangru ella klisjum.

Hetta er rátt, hetta er føroyskt, og hetta er nakað heilt fyri seg.

Gev gætur, at limirnir ikki eru kunngjørdir, tað hevði ikki gjørt nakran mun, um teir vóru, tí teir eru allir Ókendir.

Fyrsta staklagið "Ókendir", sum er her niðanfyri, kom út 7. juni.

Tað næsta "Tosa við meg" kom út 19. juli, og meira er ávegis.​​​